عني
بدأت رحلتي في الرياضة والأكل الصحي في 2015، جربت جميع الأنظمة الرياضية وأنواع الدايت وكان فيها كثير من التحديات. مرّيت بتحديات صحية كثيرة لكن هذي التحديات كانت دافع قوي لي عشان أستمر وأحقق أهدافي. فاهمة كيف الواحد ممكن يحس بالإحباط في رحلته الصحية عشان يوصل لأهدافه الرياضية، لكن أنا هنا وراح أكون معك خطوة بخطوة. مهمتي هي إني أساعدك تتخطى العوائق وتحقق أهدافك الرياضية، وتتبنى أسلوب حياة صحي. مع بعض، نقدر نخلق خطة تناسبك تمامًا وتدعمك لتكون أفضل نسخة من نفسك. خلينا نحول كل تحدي لفرصة لتحقيق النجاح!
شغفي كمدربة
من خلال شهادتي من National Academy of Sport Medicine(NASM)، اكتسبت المعرفة والمهارات اللي تخليني أقدر أقدم برامج تدريبية مخصصة لكل شخص حسب احتياجه. أهم شيء عندي هو خلق بيئة تحفيزية تشجعك على التحدي والنمو. سواء كان هدفك تقوية عضلاتك، زيادة قدرتك على التحمل، أو تحسين صحتك بشكل عام، أنا هنا أكون معك في كل خطوة. التدريبات بالنسبة لي مو مجرد تمارين، لكنها فرصة أساعدك تعيش حياة صحية وتحس بالثقة في كل خطوة
الخبرة
شغفي بالرياضة ونمط الأكل الصحي كان هو الدافع الأساسي اللي خلاني أبدأ رحلتي في 2015. خلال هذي الفترة، جربت كل شيء: من تمارين الكاليسثنكس والكارديو، إلى تمارين المقاومة والبيلاتس واليوغا. وفي جانب النظام الغذائي، كانت عندي رغبة مستمرة أكتشف الأنظمة جميعها فدخلت تجارب مثل الصيام المتقطع، الكيتو، اللو كارب، السايكل كارب، وحتى التغذية الحدسية.
ما كانت الرحلة سهلة أبدًا، مريت بفترات صعبة مليانة تحديات وتخبطات. لكن كل تجربة كانت تعلمّني أكثر
الآن، بعد كل هذي التجارب، أنا هنا علشان أساعدك. سواء كنت حابب تخسر وزن، تزيد عضلاتك، أو تحافظ على نمط حياة صحي، حنوصل مع بعض لخطة مخصصة تناسبك وتحقق لك أهدافك بطريقة مستدامة وممتعة!